Улар зыяраттары кәртәһен яңыртабыҙ тип дәртләнгәйнеләр. Шулай итеп, һемәйеп ҡалдылар. Тик Кинйәбай халҡының бәхете бар икән - уларға ярҙамға бағымсы табылды. Бағымсының да ниндәйе! Ҡыҫҡаса былайыраҡ хәлдәр: бер бик билдәле кеше Кинйәбай зыяраты кәртәһен яңыртырға ярҙам итергә булған. Бөгөн Свидетель милосердия фонды, төҙөүселәр, проектсылар урынға барып хәл менән танышты. Ауыл халҡының фекерен белеште - һеҙ нисек күрергә теләйһегеҙ зыяратты? Һеҙҙең фекерегеҙ бик мөһим. Яңы Ямаш, Уңғар ауылы имамдары ла булды. Изге лә, бик яуаплы ла был эш - спонсорҙары: аҡсаны йәлләмәй, ныҡлап эшләгеҙ тигән, етмәһә.
Барыһы ла тулыраҡ гәзиттә була.