Өлөш

Нилектән тап ошо мәктәп хаҡында, тота һалып, яҙырға булдыҡ, берҙән, был уҡыу йорто М. Шайморатов исемен йөрөтә, икенсенән, уны быйыл Башҡортостан республикаһы ремонтланы, ә иң мөһиме, был изге эштә беҙҙең район кешеләре лә ҡатнашты. 

Һәммәһе Көйөргәҙе районынан 8 кеше капиталь ремонтта ҡатнашҡан. Эштәре күп булған. Түбәһен тулыһынса алмаштырғандар, быныһынан тыш, эстә йәһәннәм эштәре булған. Мәктәптең майҙаны 7 мең квадрат метр, әйткәндәй. Урындағы халыҡ әйтеүенсә, элек был мәктәптә быйма кейеп уҡып ултырған булған уҡыусылар, әле барып инәһең, тән генә түгел, йән йылынғандай була - эшселәр бар күңелен һалып эшләгәнгәлер.

Яңы уҡыу йылында яңы мәктәп ишеген 397 бала асҡан, шуларҙың 35-е беренсе класс балалары. 

М. Шайморатов исемендәге йыраҡтағы уҡыу йорто беҙҙең изгелекте мәңге онотмаҫ, йылдар үтер, әлеге сабыйҙар олоғайып бөтөр, иҫкә алырҙар: беҙҙең белем алыуға Көйөргәҙе районы ла ҙур өлөш керетте. Рәхмәт.