Ике ут араһында

Ермолаево урамдарын таҙартырға тракторсылар баш тарта. Ермолаево халҡы уларға көрәк менән ташлана, яғаларынан алып кабинанан һөйрәп төшөрә. Юл киңәйтеп йөрөгән юлсыларға, беҙҙең сыҡҡан ерҙе күмәһегеҙ, тип көн күрһәтмәйҙәр.

Эшҡыуар А. Яҡшыбаев Айсыуаҡты таҙартыуҙан баш тартҡан. “Бында һуғышып йөрөгәнсе, бәләкәй ауылдарҙы таҙартып кешенән рәхмәт һүҙҙәре ишетәм”, – ти ул. Бөгөн был сетерекле мәсьәләне уртаға һалып һөйләшеп, артабан нимә эшләргә тигән маҡсатта, Ермолаево хакимиәтендә юл таҙартыусылар менән йыйылыш үтте. Марина Букреева әйтеүенсә, Совет урамы таҙартылмаған тип ГАИ хеҙмәткәрҙәре тарафынан ике тапҡыр протокол төҙөлгән. Бер протокол хаҡы 30 мең һум. Ауыл хакимиәте ике ут араһында ҡалған, юлдарҙы таҙартһаң да ярап булмай, таҙартмаһаң да ярамай.
Был туралағы тулыраҡ мәғлүмәтте гәзиттә уҡырһығыҙ.