ИКЕ БАЙРАМ БЕР ЮЛЫ

Ҡотлоюл ауылында Ололар көнөнә арналған байрам үтте. Оҙаҡ йылдар буйына намыҫлы хеҙмәт иткән ололарға аш-һыу, һый-хөрмәт әҙерләнек. Оло йәштәге ауылдаштарымды байрам менән ҡотларға Яҡшымбәт ауыл биләмәһе башлығы Юнир Ирек улы Сынбулатов килде. Ике байрам бер юлы — Нафиҡ абзый менән Фәрзәнә еңгәбеҙ Боҫҡановтарҙы алтын туйҙары һәм Рая Яманһарова инәйҙе 80 йәшлек юбилейы менән тәбрикләнек. Мәктәп уҡыусылары бик бай йәрминкә ойошторҙо.