ныҡ хөрмәтләнеләр

Аҡһары инәй-бабайҙарына ла ололар көнөндә хөрмәт ҙур булды. Уларҙы ауыл мәктәбендә бай сәй табыны артына йыйҙылар.

Оло йәштәгеләр үҙҙәре лә байрамға буш ҡул килмәгән, һәр кем үҙе менән тәмлекәстәр алып килгән. Улар табын артында рәхәтләнеп һөйләшеп ултырҙы, күңел түренән сыҡҡан ҡотлау һүҙҙәрен еткерҙеләр, ә Зилиә Күсәрбаева шиғырҙарын да уҡып ишеттерҙе. Йырҙар йырлап күңел асырға ла онотманылар. Күңелдәре булған инәй-бабайҙар байрам ойоштороусы ауыл әүҙемдәренә, мәктәп директорына, ағинәйҙәргә, ҡатын-ҡыҙҙар советына оло рәхмәттәрен әйтеп, киләһе йылда тағы ла осрашырбыҙ, тип таралыштылар.