ИХТИРАМЫҒЫҘҒА РӘХМӘТ

Ошо көндәрҙә Мораптал ауылында йәшәүсе, Бөйөк Ватан һуғышында ҡатнашыусының тол ҡатыны, әсәйем Мәйсәрә Батырованың 95 йәшлек оло юбилейы булды. Уны байрамы менән тәбрикләргә тип Мораптал ауылы советы хакимиәте башлығы Аскар Кинжалеев һәм эштәр идарасыһы Рәғиҙә Нафиҡова ла килде. Улар РФ Президенты Владимир Путиндың һәм район хакимиәте башлығы Әхәт Ҡотлоәхмәтовтың ҡотлау хатын тапшырҙылар. Үҙҙәре исеменән дә изге теләктәр теләп күстәнәстәр алып килгәндәр. Оло кешегә күп кәрәкме ни? Әсәйемдең ныҡ күңеле булды. Минең изге кешемде ҙурлағанығыҙ, оло кешене ихтирам иткәнегеҙ өсөн һеҙгә ҙур рәхмәт. Эшегеҙҙә уңыштар теләйбеҙ һәм һәр саҡ юлдарығыҙ уң булһын.

Рәхмәт йөҙөнән юбилярҙың ҡыҙы