Бəхетле ҡартлыҡ

- Ауыл хакимиəте башлығы килеп ҡотлағас, əнейебеҙ шул тиклем ҡыуанды, тулҡынланып илап та алды. Оло кешелəр шулай бит инде. Əнейебеҙ 1936 йылда Яҡуп ауылында донъяға килгəн, бик уҡымышлы ғаилəлə үҫкəн. Атайы Мөрсəлим олатайыбыҙ ул ваҡытта тыйылһа ла ҡөръəн уҡып, ураҙа тотҡан. Һуғышта ҡатнашып, пленға элəгеп, шулай булһа ла тыуған ерҙəренə əйлəнеп ҡайтҡан, бик күп, ҡыҙыҡлы ваҡиғалар тураһында һөйлəп ултырған Мөрсəлим олатайҙың хəтирəлəре һеҙҙең гəзиттə лə яҙылып сыҡҡаны булды.