ТОРМОШОҒОҘ ҘА ТӘМЛЕ БУЛҺЫН

Күмертауҙың 8-се һанлы "Айгөл" балалар баҡсаһында Таңһылыу Бикбаева менән Мәүсилә Хөснуллина исемле матур апайҙар аш бешерә. Аш-һыуға улар шул тиклем оҫта, бөгөндән Парижғамы, Лондонғамы иң алдынғы ресторан шеф-поварҙарына ҡаршы көрәшергә ашнаҡсылар конкурсына ебәрһәк, улар һис шикһеҙ гран-при алып ҡайтасаҡтар.

Һәр саҡ аштары тәмле, йөҙҙәре яҡты булған Таңһылыу һәм Мәүсилә апайҙарға беҙҙең кескәйҙәребеҙгә телде йоторлоҡ итеп бешергәндәре өсөн ҙур рәхмәт. Аштарығыҙ кеүек тормошоғоҙ ҙа тәмле булһын.