Юшатыр
-22 °С
Облачно
75 лет Победы
Все новости
Район хакимиәтендә
18 Февраля 2021, 18:40

Ҙур сессия

Дума депутаты З. Байғусҡаров, ни ғилләнәндер, беҙҙе һүгеп тигәндәй ташланы. - Административ протоколдар һаны кәмегән, кешеләргә һалынған штарфтарҙың яртыһы түләнгән, яртыһы юҡ, был ни ғәләмәт? Ташландыҡ йорттар һәр ауылда бар, ә уларға ҡарата эш алып барылмай. Төҙөлөш тә ныҡ кәмегән. ЕГЭ биргән уҡыусылар араһында 100 баллылар һеҙҙән бөтөнләй юҡ.

Борис Беляев, тиҙ генә Ермолаевоны айҡап сыҡҡас, мәҙәниәт һарайында ҙур сессия булды. Уны ҙур тип әйтерлеге бар: Совет рәйесенең, район башлығының былтырғы йылға йомғағы булғаны өсөн генә түгел, ҙур ҡунаҡтар ҙа бар: Дума депутаты, Ҡоролтай депутаты.
Фәнит Моратбаҡыев ҡыҫҡаса депутаттар эшенә йомғаҡ яһаны, ауыр йыл булды тигәнде бер нисә тапҡыр ҡабатланы, шуға ҡарамаҫтан, эштәрҙе насар башҡарманыҡ. Унан һуң һүҙ алған Юлай Ильясов та был һүҙҙе (ауыр йыл булды) бер нисә әйтте, шуныһы ғәжәп: районыбыҙ артҡа сигенмәгән, алға киткән. Инвестициялар артҡан, үлем кәмегән, ситкә киткән кешеләр һаны ла кәмегән. Эшһеҙлек артҡан - эшһеҙлек буйынса түләү артҡас, кемдер ун мең һум алып эшләгән эшен ташланы ла, биржаға торҙо, өйҙә ятып, лутсы 18 мең алам.
Янда ултырған Б. Беляевҡа өндәшергә лә онотманы Юлай Талха улы:
- Һеҙгә рәхмәт, һеҙ бит беҙҙең районда йәшәгән кеше, беҙҙе, атайҙарса, ҡай саҡ әрләп алаһығыҙ, ҡай саҡ маҡтап та ебәрәһегеҙ.
Торлаҡ коммуналь хужалыҡ министры үҙен ысынлап та, ҙур ҡаланан тыуған ауылына ҡайтҡан егет һымаҡ тойҙо.
- Әллә күпме таныштарҙы осраттым, мине гел тыуған яғым тарта ла тора, һағынам, тине. Районды башлыса маҡтап телгә алды. Ысынлап та ныҡ һағыналыр, Зариф Байғусҡаровҡа Закир Насирович тип өндәшеүе тиктән түгелдер, аңында һаман күңеленә яҡын кешеләре йөрөй.
Дума депутаты З. Байғусҡаров, ни ғилләнәндер, беҙҙе һүгеп тигәндәй ташланы.
- Административ протоколдар һаны кәмегән, кешеләргә һалынған штарфтарҙың яртыһы түләнгән, яртыһы юҡ, был ни ғәләмәт? Ташландыҡ йорттар һәр ауылда бар, ә уларға ҡарата эш алып барылмай. Төҙөлөш тә ныҡ кәмегән. ЕГЭ биргән уҡыусылар араһында 100 баллылар һеҙҙән бөтөнләй юҡ.
Тулы материал киләһе һанда була.
Читайте нас в