Фән

Бер нисә йылдан нимә булырын күҙ алдына килтереүе лә ауыр, бөгөнгө сессияла ошо һандар яңғыраны. Һөйләгәндәр күп булды, уртаса эш хаҡы районда 41 077 һум икән. Быны ишеткәс, хатта Совет рәйесе Фәнит Моратбаҡыев та үҙ ҡолаҡтарына ышанманы - нисә-нисә?
Аңлаттылар. Ҙур һәм урта предприятиеларҙың уртаса күрһәткесе менән шулай сыға.
- Дамир Тагирович (Киров хужалығы), һеҙҙә 40 мең алып эшләйҙәрме?
Юҡ инде, Мораптал Себер түгел. Тик нимә тип тиһең, статистика шундай фән, әйтә икән, ышан да ултыр. 
Дефлятор, инфляция.... белем яғы һай булғандар- беҙ, финанстар темаһына һөйләнгән докладттарҙы, дөрөҫөндә, аңламаныҡ (Э . Нәбиуллина ла шулайыраҡ һөйләй - бер ни аңлашылмай, ул тормошто яҡшы ти, беҙ, наҙандар, ышанабыҙ, белемле кеше бит, алдамаҫ).
Финанстары- финанс, дауаханалар менән бәлә. (Баш табип булманы, уның урынына Г. Селищева килгән). Яңы Морапталда балнис юҡ. Асҡар Исәт улының йәненә үткән мәсьәлә:

- Депутаттар, хат яҙығыҙ әле халыҡ исеменән (үҙҙәре яҙып ҡараны - булманы), хет һеҙҙе тыңларҙар - трасса буйында ултырабыҙ, берәйһе ауырып китһә.... Тиҙ ярҙам машинаһы ике сәғәт килә лә ҡуя.
Бында ла фәнни яҡтан аңлаттылар:
- 5000 кеше йәшәгән ерҙә генә балнис булырға тейеш. Көн әйләнәһенә эшләгән. Был балнистың УЗИ, флюорографияһы булырға тейеш, тағы әллә нәмәләре. Түҙегеҙ, бер ҡыҙ килә ята, шәп белгес, тиҙҙән төрлө йәһәттән дауалай ала торған врачығыҙ буласаҡ.
- Свободала ла медсестраны ярты ставҡаға ҡалдырғанһығыҙ, - быныһы Фәнис Рахманғолов.
- Юҡсы, шул көйө, бер ставкала йөрөй.
- Һеҙгә ышанмайым мин.