Ике сәғәтлек сал тарих

Юҡҡа ғына был сараны район музейы эсендә генә үткәрергә булғандар. Ҡатнашыусы, сығыш яһаусылар күп булғанға ғына улай әйтмәйбеҙ, бик бай йөкмәткеле, фәһемле булғаны өсөн әйтәбеҙ. Тыуған яҡ тарихын өйрәнеүселәрҙең сараһы булды. Музей директоры Анна Глущенко, тынғыһыҙ кеше, бер тотонғас, ана ниндәй грандиоз байрам яһаған да ташлаған. Әллә ҡасан беҙҙең ерҙәрҙә йәшәгән динозаврмы, бронтозаврмы, монолофозаврмы, әллә ниндәй мәхлүктәр заманынан алып (Ҡалта ауылы был боронғо хайуан ҡалдыҡтарына бай икән), Көйөргәҙенең бөгөнгөһөнә тиклем барыһы ла тәфсирләп һөйләнде.

Ике сәғәттән ашыу барған сара бер тынала үтте, ауыҙҙы астыҡ та ҡалдыҡ, телмәр тотоусылар бик ҡыҙыҡ итеп һөйләй ҙә белә.

Кемдәр музейға ярҙам иткән, шуларға рәхмәт хаттары таратылды, әйткәндәй, музей эргәһенән үтеп-һүтеп йөрөйбөҙ, кергәндә лә алан-йолан ҡараның да сыҡтың, ҡалай бай экспонаттар һаҡлана икән бында. Һәм улар көндән-көн тулылана.

Йәл, был бай сара музей стеналарында ғына үтте, тыңлаусылары ла тыуған яҡ тарихын ныҡлап өйрәнгәндәр генә. Ике сәғәт ярым ғына ваҡыт, ә әйтерһең, бер тотош ғүмер үтте, сал тарихҡа сәйәхәт ҡылдыҡ та ҡуйҙыҡ.

Ҙурыраҡ аудиторияға сығарырға ине уны - үткәнде белмәй, киләсәккә барып булмай тиҙәр, бәлки, артабан алға табан ышаныслыраҡ атлап китер инек.

Автор:Дим Ильясов

Читайте нас:

Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»

Баш мөхәррир М.М.Ильясов

Эл. почта

[email protected]

Адрес

Республика Башкортостан, г. Кумертау, ул. Комсомольская, д. 35

Редакция

8 (34761) 4-44-45