Хазина

Уның шиғырҙарын күптәр уҡығаны бар, Юшатырҙа күп баҫылды улар, нимәһе иғтибарға лайыҡ - беҙҙең халыҡ бит, күбеһенсә, атай-әсәй, мөхәббәт тә тыуған яҡ темаһына яҙа  Ә Гөлшат инәйҙең.... тормошта ниндәй хәл була, һәр темаға барыһы ла бар. Сәсәниә. Беҙгә әле гел һуғышып йәшәгән ир менән ҡатын тураһындағы шиғырын уҡып ишеттерҙе - йығыл да ят - шул тиклем тапҡыр яҙмаҫ кеше. Былары бер. Икенсе хәтәр шәп яғы бар 80 йәшкә аяҡ баҫырға торған инәйҙең: дәфтәрҙәрен күрһәтте, унда матур тигеҙ почерк менән (әллә нисә томға етерлек!) башҡорт халыҡ әйтем-мәҡәлдәрен туплаған. Барыһын да ҡайҙандыр күсереп яҙмаған, мейеһенең ниндәйҙер мөйөшөндә ятҡандарҙы хәтеренә төшөрөп яҙылған. Хәтирәләр. Яманһары ауылында кем нимә һөйләгән, ниндәй тарих бәйән иткән, шуларҙы ла яҙған. Ғәләмәт.