Кескәй ҡотҡарыусылар

М.Исҡужин исемендәге прогимназияның икенсе корпусында - балалар баҡсаһында «Ләйсән» һәм «Миләшкәй» төркөмдәрендә гражданлыҡ оборонаһы айлығы сиктәрендә «Кескәй ҡотҡарыусылар» тип аталған спорт байрамы үтте.

Балалар төрлө уйындар, ярыштар ярҙамында тормош хәүефһеҙлеге ҡағиҙәләренә өйрәнде. Шулай уҡ кескәйҙәр донъялағы төрлө һәләкәттәр, афәттәр тураһындағы белемдәрен камиллаштырҙы,гражданлыҡ оборонаһы һәм ғәҙәттән тыш хәлдәр хеҙмәте менән яҡындан танышты. Балалар баҡсаһы тәрбиәләнеүселәренә бындай сара бик оҡшаны. Улар рәхәтләнеп ҡотҡарыусылар ролен башҡарҙылар.

Гөлназ МОСТАФИНА,

тәрбиәсе