Все новости
Әрме
26 Мая 2020, 12:08

Сафҡа теҙелә һалдаттар

Яҙғы призыв барышы тураһында мәғлүмәт алыу һәм Башҡортостандың Күмертау һәм Көйөргәҙе районы хәрби комиссариатының яңы етәксеһе Максим Александрович Пержинский менән танышыу өсөн әңгәмә үткәрҙек.#призыв2020 #ВесеннийПризыв#Кумертау

- Коронавирус инфекцияһына бәйле графиктарығыҙ ҙа үҙгәрҙе. Әлеге ваҡытта яҙғы призыв нисек бара?
-Әлбиттә, донъялағы был хәлдәр булыу сәбәпле беҙҙең эшебеҙ бер аҙ тотҡарланды. Заман талаптарын үтәп, комиссияға килеүсе егеттәр «барьер рубежын» үтергә тейеш. Был физик күнекмәләр түгел, ә коронавирусҡа ҡаршы профилактик саралар: мотлаҡ рәүештә тән температураһын үлсәү (әгәр ҙә сирләп торғандар булһа, улар өйҙәренә ҡайтарыла һәм врач килеп күреүе талап ителә), битлектең булыуы, ҡулдарҙы дезинфекциялап ҡына индереү ҡаралған һәм иң таралған кәңәш – үҙ- ара социаль арауыҡты һаҡлау тора. Ҡыуанысҡа, ошо хәүефле ваҡытта комиссия үтергә килгән сырхаусылар араһында Covidвируслылар теркәлмәгән. Республика комиссариатынан килгән форма буйынса һәр район һәм ҡалаға үҙ норматив пландары ҡуйыла. Шулай итеп, Күмертау өсөн призыв нормаһы буйынса 84 кеше булһа, әлегә комиссия үткәндәрҙең 61-е хәрби хеҙмәткә яраҡлы тип билдәләнгән; Көйөргәҙе районынан (призыв нормаһы 54 кеше) – комиссия үткән 42 егет хәрбиҙәр сафына әҙер. 15 июлгә тиклем барған әрмегә саҡырыу осоронда, хеҙмәт урындарына ебәрелеүсе призывниктарҙы төркөмдәргә бүлеп, яйлап оҙатыу ойоштороласаҡ. Беренсе саҡырылыш 13 июндән башлана.
Малик ИЛЬЯСОВ әңгәмәләште
Тулы материал "Юшатыр"ҙың 42-се һанында.
Читайте нас в