Иҫән-һау ғына ҡайтығыҙ, уландар

Был йоланы әле лә боҙмай-онотмай һаҡлап киләбеҙ. Керәүле биләмәһенә ҡараған ауылдарҙан егеттәр һалдатҡа китер булһа, барыһы ла быны оло ваҡиға итеп ҡабул итә, һәр береһе, ҡулынан килгәнсе, ярҙам итергә, тәбрик һүҙҙәре әйтеп ҡалырға тырыша. Яңыраҡ Керәүленең үҙенән шулай оҙаттылар егеттәрҙе, кисә Павловкала сара ойошторғандар. Әлеге ваҡытта малайҙарҙы армияға оҙатыу саҡ ҡына икенсерәк төҫ алды, ата-әсәнең дә, башҡа ауылдаштарҙың да йөҙөндә хафа күберәк сағыла - иҫән-һау ғына ҡайтығыҙ, уландар. 

Павловкала кисәге сара ла шулайыраҡ кәйефтә үткән. Бер йылдан ошонда уҡ осрашып, табын артында ултырырға яҙһын.