+19 °С
Ясно
Әсәм теле - сәсән теле
7 Июня 2021, 11:34
4 талантҡа - 4 бүләк
Шиғырҙы һәр кем яҙа. Йәш саҡта. Бигерәк тә, ғашиҡ булғанда, ҡулынан киләме-юҡмы, һөйгәненә әллә нәмәләр вәғәҙә итеп бөтә, яратҡанына бар йыһанды бүләк итә, үҙе лә шунда осоп китә. Һөйөүе яуапһыҙ булһа, бөттө - мәжнүнгә әүерелә, шиғырҙарында мең ҡабат үлә.
Шиғырҙы һәр кем яҙа. Йәш саҡта. Бигерәк тә, ғашиҡ булғанда, ҡулынан киләме-юҡмы, һөйгәненә әллә нәмәләр вәғәҙә итеп бөтә, яратҡанына бар йыһанды бүләк итә, үҙе лә шунда осоп китә. Һөйөүе яуапһыҙ булһа, бөттө - мәжнүнгә әүерелә, шиғырҙарында мең ҡабат үлә.
Шулай, шиғыр ене күптәребеҙгә ҡағылған. Тик тәржемә... Әллә ҡалай ҙа ул. Ҡыйын. Кемделер тәржемә итеү өсөн тел байлығы ғына түгел, киң эрудиция ла кәрәк. Теге телде лә, үҙеңдең телеңде лә яҡшы белергә кәрәк. Беҙ, А. Пушкиндың тыуған көнөнә (рус теле көнөнә) арнап, тәржемәләр конкурсы иғлан иткәс, бик ышанманыҡ, әллә кем йәмле йәй көндәрендә дәфтәргә тексәлеп ултыра ти. Тик, бәхеткә, яңғылыштыҡ, бар икән беҙҙең арала Шағирҙы Шағир тип таныған, һүҙҙең ҡәҙерен белгән кешеләр. Иҫебеҙ китеп уҡып ултырҙыҡ, хәйер, һеҙ ҙә шулайтҡанығыҙҙыр.
Һәммәһе 4 тәржемә килде. Тағы ла булдылар, улары, анһат ҡына, әҙер тәржемәне алған да ебәргән, тик кеше алйот түгел дә, гуглдан ҡарай беләбеҙ. Тәржемәселәр араһында бик оялсандары булды: шиғырҙы ебәрҙе лә, бер аҙҙан: ҡуйсале, кеше көлдөрмәйем, тип юйып ырғытты. Саҡ күндерҙек кире ебәрергә - ысынында, шиғыры ғәләмәт ине.
Ҡыҫҡаһы, 4 тәржемәсебеҙ булды, әл дә конкурс булды, арабыҙҙа шундай таланттар йөрөгәнен белмәҫ тә инек. Ошо 4 талантты редакцияла бүләк көтә. Беренсе урын бармы - бар. Иртәгә хәбәр итербеҙ.
Алда тағы ла конкурстар булыр - Юшатырҙы күҙәтеп барығыҙ.
