+19 °С
Облачно
Әсәм теле - сәсән теле
15 Июня 2021, 06:26
Әкиәт дауам итә
Ҡайһы бер кеше (күптәрҙер хатта) видеокамера алдында баҙап ҡала, ояла, тартына, әйтерен әйтә алмай. Тик Фатима Усманова түгел. Ғүмере буйы сәхнәнән төшмәгән артист, гел тамашасының күҙ алдында булғас, тәжрибәһе мул.
Библионяня проектына уны саҡырмай, кемде саҡырһындар? Фатима Абдулла ҡыҙының барыһы ла, камера алдына ултыр, тип әйтеп тора: төҫ тә бар, тауыш та матур. Быныһы ғына аҙ, әкиәт тигәс, төрлө авторҙарҙы йәки халыҡ ижадын ҡутарып эҙләмәгән, үҙе яҙған әкиәтте уҡыған - "Ҡояш һәм болот". Шулай итеп, әкиәт дауам итә, тормошта ла әкиәти матур хәлдәр күберәк булһын ине балаларҙың, болоттар араһынан ҡояш йышыраҡ күренһен.
