+21 °С
Болотло
Әсәм теле - сәсән теле
18 Февраль 2022, 04:13
"Киләсәккә юл ярам"
Башҡорт халҡының киләсәге, милләте һәм милли теле өсөн йән атыусы, ҡыҫҡа ғына ғүмерен илем, телем тип йәшәүсе башҡорт халыҡ шағиры Рәми Ғариповҡа арналған асыҡ дәрес шулай тип аталды.
"Киләсәккә юл ярам"
Дәресте башҡорт теле уҡытыусыһы А. Н. Халилов һәм китапханасы И. Р. Рафиҡова алып барҙы. Шағирҙың биографияһы, шиғырҙары һәм күргәҙмә китаптары аша уҡыусылар бөйөк шәхестең ауыр тормошон, үҫеш юлын күҙалланы. Азат Насретдин улының балалайкала уйнап, "Уйҙарым" ҡобайырын башҡарыуы ла балаларҙы ҡыҙыҡһындырҙы. Дәрес аҙағында үткәрелгән интеллектуаль уйын белемдәрен тикшереп ҡарарға ярҙам итте.
Сараға килгән уҡытыусылар һәм Күмертау ҡалаһы башҡорт теле уҡытыусылары методисы, ҡала яҙыусылар ойошмаһы рәисе Римма Фаттаховна Арсланова дәресте юғары баһаланы. Уның китапханаға биргән китабы осрашыу иҫтәлеге булып һаҡланыр.
