Йәнһеҙгә – йән, йәмһеҙгә йәм

Йәшел урман, болон, тау, дала.
Йәнһеҙгә – йән, йәмһеҙгә йәм биргән
Һин ут һәм һыу, һауа һәм дауа.

Бар булғаның һинең үҙеңдеке –
Ер аҫтың һәм өҫтөң – хазина.
Китаптарың юҡта, китап итеп,
Тарих яҙғанһың һин ташыңа.
Ниндәй ер һин?! Ер алтының түгел,
Күңел алтындарың – мең алтын.
Йырлап тора телең. Йөрәгеңдә
Ерҙәр тетрәтерлек дәрт, ялҡын.
Шул дәртең һәм шул ялҡының күскән
Ереңдәге һәр бер халҡыңа.