БУРЫСЫҢДЫ ТҮЛӘМӘЙЕНСӘ ЮЛҒА СЫҠМА

Дәүләт автоинспекцияһы хеҙмәткәрҙәре Күмертау ҡалаһының суд приставтары бүлеге менән берлектә Күмертау юлдарында 21 ноябрҙән 30 ноябргә тиклем юл ҡағиҙәләрен боҙған өсөн штраф түләмәгәндәргә «Бурыслы» профилактик операцияһы уҙғара.

Иҫкәртәбеҙ: РФ-ның Административ Хоҡуҡ боҙоу Кодексының 32.2 статьяһына ярашлы административ яуаплылыҡҡа тарттырылған кеше административ штрафын ҡарар үҙ көсөнә инеү көнөнән алып 60 көн эсендә түләргә тейеш.

Ҡала юлдарында Дәүләт автоинспекция-һы хеҙмәткәрҙәре бурыстары булған водителдәрҙе асыҡлағас та, РФ-ның Административ Хоҡуҡ боҙоу Кодексының 20.25 статьяһының 1-се бүлегенә ярашлы административ яуаплылыҡҡа тарттыра. Суд ҡарары буйынса бурыслыларға 15 тәүлеккә административ ҡулға алыу, 1000 һумдан да кәм булмаған түләнелмәгән штраф күләмен ике тапҡырға ҡабатлап түләтеү, мәжбүри хеҙмәткә ебәреү язалары ҡулланыла.

Юл ҡағиҙәләрен боҙоу тураһындағы үҙегеҙҙең штрафтарығыҙ хаҡында мәғ-лүмәтте Күмертау ҡалаһының Юл хәрәкәте хәүефһеҙлеге дәүләт инспекцияһы бү-легендә (Бабай урамы, 1) йәки www.gosuslugi.ru интернет порталындағы «шәх-си кабинет» аша белеп була. Бында шулай уҡ штраф түләү өсөн квитанция ла бар.