Яуаптар табылды

Сходтар эпопеяһы дауам итә. 9 августа район башлығын Холодный Ключта ҡаршы алдылар. Һәр ерҙәгесә, ауыл биләмәһе башлығының отчетын тыңланылар тәүҙә. Әлфиә Ханбәкова нимәләр башҡарып өлгөргәндәр, шуларҙы теҙҙе, булған проблемаларҙы әйтте: һыу өсөн халыҡ насар түләй, бер йортҡа 120 һум, бурыс байтаҡ йыйылып киткән. «Сүп контейнеры ташып ултыра, кемдер бер диваны менән тултырып ҡуйған осраҡтар ҙа бар, айына бер килеп алғас, өлгөрмәйҙәр, тиҙҙән контейнерҙар һанын арттырабыҙ. Тиҙҙән, шулай уҡ, ауыл урамдарына ҡырсын түшәләсәк, бағаналағы уттар яңырасаҡ, транспорт проблемаһы бар», тине. Транспортҡа бәйле проблеманы хәл итер өсөн шәхси эшҡыуар Альфред Әйүповҡа һорау бирелде. Ул 19 августан Күмертау-Шәбағыш — Холодный Ключ — Маяҡ маршруты буйынса көнөнә 2 тапҡыр Газель йөрөтә башлайым, тип вәғәҙә бирҙе.