БАЙРАМ ТИП ТОРМАҒАНДАР

Байрам тип тормағандар зәк-ишмәттәр, 1 май көнө күмәкләшеп сығып хужаһыҙ торған бер бинаны һүтеп, кирбестәрен янғын депоһы эргәһенә ташып ҡуйғандар. Кисә улар шул кирбестәр менән «Пожарка»ны йылытыу эшен башлап та ебәргән. «Хәҙер инде, Алла бирһә, ҡыш көнө лә бында һәр ваҡыт һыу әҙер торасаҡ. Янғындар сыҡмаһын, әлбиттә, шулай ҙа ул-был хәл була ҡалһа, һәр саҡ әҙер тороуың бер ҙә генә зыян итмәҫ», - тиҙәр улар. Ауыл советы хакимиәте башлығы Илшат Зәйнәғәбдинов ошо эште башҡарған егеттәрҙең барыһына ла бөтә ауыл халҡы исеменән оло рәхмәт белдерә.