+15 °С
Дождь
Социаль мөхит
6 Августа 2021, 04:25
Ермолаевола буш буласаҡ
https://vk.com/yshatir?w=wall-33983974_57093 Кисә, грант алыуыбыҙ билдәле булғас та (башлыҡ урынбаҫары Данил Акиловҡа ҙур рәхмәт), был турала ҡаға-һуға яҙҙыҡ. Ә төбөнә тиклем төшөп етмәнек. Былтыр "Мэри Поппинс в помощь маме" тип атлаған РФ Президенты грантын отҡайныҡ, был уңыштан дәрттәре ҡуҙғалған ҡыҙҙар быйыл да ең һыҙғанған булған. Һәм бына республика башлығы гранты беҙҙең кеҫәлә. "Мэри Поппинс в помощь маме" тигән проекттың дауамы булып тора. Бөгөн, беҙгә уны төшөндөрөп, Н. Савенкова яҙҙы, ике һүҙҙең береһендә Дилә Батуринаны маҡтай. Әл дә ул булды, ул булмаһа, бындай аҡсалар беҙҙең төшкә лә кермәй ине.
Ермолаевола буш буласаҡ
Беҙ Диләнең үҙенә шылтыраттыҡ:
- Былтыр Президент грантын оттоҡ, быйыл да дәрт бар ине. Мин Наталья Савенкованан һораным: нимәгә тотонайым? Ул беҙҙә логопед бар, ә ҡорамалдары юҡ тине. Бына хәҙер уның махсус өҫтәле буласаҡ. Был өҫтәл хаҡы яҡынса 380 мең һум (әлеге гранттың хаҡы- 403 130 һум). Шуныһы мөһим: башҡа ерҙәрҙә телмәре менән проблемалары булған балалар логопедҡа түләп йөрөй (сәғәте - 1 мең, 1,5 мең һум), ә Ермолаевола буш буласаҡ. Минең үҙемдең баштан үткән хәл, балам биш йәшкә тиклем һөйләшмәне, уның менән үҙемә шөғөлләнергә тура килде, әле тәтелдәп тора. Ата-әсәләр хәҙер теләгән ваҡытында Ғаилә хеҙмәтенә балаһын алып килә аласаҡ. Минең һымаҡ йортта үҙҙәре генә яфаланмаясаҡ.
Беҙ Д. Батуринаға ла, Н. Савенковаға ла ҙур уңыштар теләнек, улар менән бергә шатландыҡ (телмәре менән проблемаһы булған балалы әсәләр нисек ҡыуаныр икән?). Артабан тағы ла ҙурыраҡ еңеүҙәргә өлгәшергә булһын.
