САҢҒЫ ҮҘӘГЕ БУЛАСАҠ

Ул Күмертауҙың спорт менән бәйле объекттарының ниндәй хәлдә булыуын, уларҙың нисек эшләүен үҙ күҙҙәре менән күреү ниәте менән килгән. Иң ныҡ иғтибар «Шахтер» стадионына йүнәлтелеүен һыҙыҡ өҫтөнә алды. Был һорауҙы БР Дәүләт Йыйылышы — Ҡоролтай депутаттары алдында күтәрәсәге хаҡында әйтте ул.

Ҡаланың спорт объекттары менән танышҡан мәлдә, мөмкинлектәре сикләнгән балалар менән дә әңгәмәләште Оксана Савченко. Балаларҙың спортта яҡшы һөҙөмтәләргә ирешеүҙәре өсөн ҡыуанысын белдерҙе. Эш сәфәре һуңында депутат Күмертауҙа паралимпийсылар өсөн саңғы үҙәге булдырырға кәрәк, тигән һығымта яһаны. «Киләсәктә ҡалала мөмкинлектәре сикләнгән кешеләр өсөн барлыҡ спорт төрҙәрен үҫтерергә кәрәк», - тине ул.