Юшатыр
-18 °С
Облачно
75 лет Победы
Все новости
Спорт
20 Февраля 2018, 12:57

ОЛОҺО ЛА, КЕСЕҺЕ ЛӘ ЕЛДЕ САҢҒЫЛА

Үткән шәмбе көндө район хакимиәте башлығы призына саңғы ярышы үтте. Күркәм сараны йыл да олоһо ла, кесеһе лә көтөп ала. Саңғы уҙышына быйыл төрлө йәштә булған 220-нән ашыу кеше сыҡты.

Үткән шәмбе көндө район хакимиәте башлығы призына саңғы ярышы үтте. Күркәм сараны йыл да олоһо ла, кесеһе лә көтөп ала. Саңғы уҙышына быйыл төрлө йәштә булған 220-нән ашыу кеше сыҡты.

Ярышта барлыҡ ауыл биләмәләре, мәктәптәр, ойошма, предприятие вәкилдәре ҡатнашты. Ғөмүмән әйткәндә, район етәкселегенең дә ошондай спорт ярыштарының уртаһында ҡайнауы йылдан-йыл спорт сараларының абруйын күтәрә, мәртәбәһен арттыра. Саңғысыларҙың күплеген иҫәпкә алып, ярыш йәш буйынса бер нисә категорияға бүлеп үткәрелде. Спортсылар араһында иң өлкәне булған 77 йәшлек И. Герасимов бабайҙың дәрт-дарманына һоҡланып, район хакимиәте башлығы Әхәт Ҡотлоәхмәтов өп-өр яңы саңғы комплекты бүләк итте. Ә иң бәләкәй саңғысы Илкәнәй ауылынан Илнур Иҙрисов ине. Беренсе, икенсе урындарҙы Аҡһары мәктәбе алды, өсөнсө урын - 2-се һанлы Ермолаево мәктәбендә. 600-ҙән ашыу бала уҡыған 1-се һанлы Ермолаево урта мәктәбендә призлы урындар юҡ. Был уларҙы ла, башҡаларҙы ла уйландырмай ҡалдырманы. Ярыш һөҙөмтәләре буйынса, еңеүселәргә район хакимиәтенең Маҡтау грамоталары, иҫтәлекле бүләктәр тапшырылды.
Үҙ йәштәре араһында 1-се урынды яулаусылар:

Айнур Сәлиҡбаев (Аҡһары),

Аделина Байнова (Аҡһары),

Рәйлә Кәримова (Яҡуп),

Максим Устьянцев (Кумертау),

Екатерина Лебединцева (Ермолаево),

Альберт Ишкинин ( Ермолаево),

Гөлшат Туйгилдина (Яҡуп),

Алексей Кувайцев (Бөгөлсән),

Камила Аҡсурина (Аҡһары),

Алексей Сиражетдинов (Ермолаево),

Регина Байғотлина (Таймаҫ),

Станислав Семенов (Ермолаево),

Камила Бикҡужина (Бөгөлсән),

Рафаэль Аҡсурин (Аҡһары),

Илдар Мусин (Аҡһары),

Рафаэль Аҡсурин (Аҡһары),

Ольга Алексеева (Керәүле-Илюшкин),

райондың баш агрономы Айҙар Туйгилдин (Мораптал).
Читайте нас в