ҺӨҘӨМТӘ КҮРЕНӘ

«Йәшел Башҡортостан» Республика экологик акцияһы сиктәрендә, район биләмәһендәге һыу объекттары торошон яҡшыртыу маҡсатында Көйөргәҙе районында «Рәсәй һыуы» акцияһы ойошторолдо.

Район хакимиәте хеҙмәткәрҙәре, ауыл халҡы, төрлө предприятие һәм ойошма вәкилдәренән торған хеҙмәт десанты Аҡһары, Иҫке Отрада, Ермолаево ауылдары янындағы һыу ятҡылыҡтары ярҙарын сүп-сарҙан таҙартты. Был көндө бик күп территориялар төрлө сәнәғәт һәм көнкүреш ҡалдыҡтарынан азат ителде. Шуныһы ҡыуаныслы: акцияға яр буйҙарында ял итеп ятыусы ҡала халҡы ла дәртләнеп ҡушылды. Акцияла ҡатнашыусылар шунда уҡ күҙгә ташланып торған үҙҙәренең эш һөҙөмтәлерен күреп шатланды.