Көткән инем...

Экскурсиялар төрлө була, йәйәүле лә, автобустар ҙа ла. Аллаға шөкөр, проектта еңеү яуланыҡ, хәҙер ошо проекты иҫән-һау тормошҡа ашырырға тигән ниәт менән янып йәшәйбеҙ. 2022 йылдың март айынан майға тиклем, өс төрлө автобуслы маршрут төҙөйәсәкбеҙ һәм радио-гидтар һатып аласаҡбыҙ, һәр бер экскурсияла йөрөгән кешенең ҡолағына наушниктар ҡуйыла, гид ҡалабыҙҙың тарихын һөйләп барасаҡ, сөнки автобус 45 кешегә тәғәйенләнгән икән, артта ултырғандар гидтың һөйләүен ишетмәйәсәк. Июнь-июль айҙарында лагерҙағы балалар өсөн экскурсиялар ойоштора башларбыҙ тип уйлайым, шунан пенсионерҙарҙы ла төрлө тарихи урындар менән таныштырасаҡбыҙ. Әлегә ҡалабыҙҙың тарихи урындарын эҙләп, танышабыҙ. Ира ауылының сиркәүе, ҡалабыҙҙың вертолет контакт-паркы маршрутҡа мотлаҡ индереләсәк. Ҡалабыҙҙың 70 йәшлек юбилейына әҙерлек өсөн дә бик шәп проект буласаҡ тип уйлайбыҙ, проект бөткәс музейыбыҙға ошо радио-гидтар ҡаласаҡ, улар беҙҙең өсөн бик кәрәкле.

Күмертау тыуған яҡты өйрәнеү музейы отҡан грант тураһында мәҡәлә бөгөн гәзиттә сыҡты.