"Оҙон аҡса артынан китмәйем"

- “Йыл уҡытыусыһы” конкурсында беренсегə ҡатнаштым. Бик оҡшаны.
Интернетта тауыш йыйыу буйынса 1-се урынға сығыуыма шатмын. Кемдəр минең өсөн тауыш биргəндəр барыһына ла рəхмəттəрем ҙур, айырыуса, география уҡытыусыһы Илдар Таиповҡа, яҙыусы, йəмəғəт эшмəкəре Мəрйəм Бураҡаеваға рəхмəтлемен. Ғөмүмəн, бəйгелə ҡатнашыуҙа ярҙам иткəн, мине дəртлəндереп торған барлыҡ коллективыма, директорыбыҙ Шайморат Азамат улына, ҡала хакимиəтенə рəхмəттəрем сикһеҙ.
Эшем оҡшай, башҡа ир-егеттəр кеүек ситкə оҙон аҡса артынан китергə телəгем юҡ. Аҡса етһен өсөн урында тырышамын, 3-сө БРГИ-ла физкультура дəресен генə уҡытып ҡалмайым, ə Ермолаеволағы коррекцион мəктəптə тəрбиəсе булып та эшлəйем. Үҙем Баймаҡтан, əле ғаилəм менəн Ермолаевола йəшəйбеҙ, ике бала үҫтерəбеҙ.

Сара тураһында тулыраҡ йома һанында баҫылды.