Ремонт тамамланды

Аҡсаға ҡыҫырыҡ ваҡытта мәсеттәргә лә ҡыйын шул. Ремонтты июнь айында башлаған инек, ошо көндәрҙә тамамлап ҡуйҙыҡ тиергә лә була. Алла бирһә күтәрмәләрҙе генә яйлайһы ҡалды. Быйыл эсле-тышлы йүнәтеү эштәре яһалды. Ирҙәр һәм ҡатын-ҡыҙҙар (сөннөтсө) намаҙ залы, уҡыу залы, ашхана, ҡуныу бүлмәләре, сисенеү урындары, тыш яҡтан нигеҙ ситтәре яңынан эшләнде.

Тыш яҡтан төҙәтеү эштәренә намаҙ уҡыусы ир-егеттәр ярҙамлашты. Эске яҡты, капиталь ремонт булғанға күрә, профессиональ һылаусы-ағартыусылар ялларға тура килде. Улар Илкәнәй ауылынан Миңзиә Әюпова һәм Күмертау ҡалаһынан Тамара Шәмиғоловалар. Эште еренә еткереп бик матур итеп башҡарҙылар. Уларға ла мәхәллә исеменән рәхмәт белдерәбеҙ.