ЙҮГЕРЕП ЙӨРӨП ҺЫЙЛАНЫЛАР

Йола буйынса Яманhары ауылында йыл да ололар көнөнә ҡарата ҙур тантана ойошторола. Быйыл да хаҡлы ялдағы ауылдаштарыбыҙҙы тәбрикләнек. Силсәүит ярҙамы менән һәм ололарҙың үҙҙәре бешереп алып килгән тәм-томдан әҙерләнгән сәй табыны артында оҙаҡ ҡына әңгәмәләшеп, күңел асып ултырҙыҡ. Байрам кәйефе бүләк иткән ойоштороусыларға, йүгереп йөрөп һыйлаған ауылыбыҙ килендәре Менәүәрә Урманцева, Рәйсә Аҙналина, Филүзә Иҙрисова, Эльфира Түләгәноваларға, ағинәйебеҙ Ләлә Батыршинаға ҙур рәхмәттәрен әйтеп таралышты халыҡ.