ДӘРТЛЕ УҠЫУСЫЛАРЫБЫҘ КҮП

Килгән атай-әсәйҙәр, балалар мөғжизәле батшалыҡ иленә барып сыҡты. Һәр класс сағыу костюмдар әҙерләп, үҙҙәренең матур сығыштары менән беҙҙе ҡыуандырҙы. Мәктәбебеҙҙә дәртле, оҫта уҡыусылар күп икән.

Быйыл шундайҙарҙың иң-иңдәренә бәхет йылмайҙы. 7-се класта уҡыған отличница Илүзә Ғәлиева Мәскәүгә, Кремлдең шыршы байрамына, барып ҡайтты. Илүзә үҙенең тәьҫораттарын һөйләп бөтөрә алмай.

Республика конкурсында еңеү яулаған 4-се класс уҡыусыһы Әлфинә Ҡолгилдиева менән район күләмендә үткәрелгән спорт ярыштарында еңгән 7-се класс уҡыусыһы Динар Ғәббәсов Ермолаево ҡасабаһында үткәрелгән шыршы байрамында ҡатнашты. Уҡыусылар Ҡыш бабай менән Ҡарһылыуҙан бүләк алып ҡыуанышып ҡайтҡандар.