Юшатыр
+10 °С
Облачно
ҮҘЕБЕҘ ХАҠЫНДА ҮҘЕБЕҘ
Йөрәктән сыҡҡан һүҙҙәр
Все новости
Йәмғиәт
9 Января 2018, 16:20
СӘХНӘ УРТАҺЫНДА БУЛДЫЛАР
Үҙегеҙ белеп тораһығыҙ: Ялсыҡай клубында йыл һайын бик ҡыҙыҡлы, күңелле итеп Яңы йыл бал-маскарады үтә. Быйылғыһы бигерәк тә сағыу булды.
Үҙегеҙ белеп тораһығыҙ: Ялсыҡай клубында йыл һайын бик ҡыҙыҡлы, күңелле итеп Яңы йыл бал-маскарады үтә. Быйылғыһы бигерәк тә сағыу булды.
Ауыл халҡының мәҙәни сарала дәртләнеп ҡатнашыуы шул хәтлем дә ҡыуандырҙы. Йәше лә, ҡарты ла сәхнә уртаһында булды. Бигерәк тә уйындарҙа уйнап-көлөп матур бүләктәр алыусылар етерлек ине. Лотерея уйынында күбеһенсә ауыл хужалығында кәрәкле әйберҙәр: бесән, бойҙай, һоло, көнбағыш майы һәм яңы йыл өҫтәле хужаһы – шампанское отторолдо.
Быйыл «Иң матур биҙәлгән ихата» конкурсы беренсе тапҡыр үткәрелһә лә, унда әүҙем ҡатнашыусылар айырыуса күп: 1-се урынды Юнир һәм Әнүзә Насировтар, 2-се урынды – Нәбил һәм Ләйсән Сәғитовтар, 3-сө урынды Әхмәт һәм Флүзә Йыһаншиндар, 4-се урынды Ниғмәт Аҡсурин алды. Башҡа ҡатнашыусылар ҙа бүләкһеҙ ҡалманы. Был конкурс беренсе һәм аҙаҡҡы тапҡыр үткәрелмәҫ, тип өмөтләнәбеҙ.
Ауыл халҡын бүләкһеҙ ҡалдырмаған өсөн спонсорҙар: ауылдың иң егәрле ир-уҙаманы Хафиз Сарбаев ағайға, магазин хужалары – Азамат һәм Әнүәр ағайҙарға, Рәдүк һәм Гөлгөнә Вахитовтарға, Рәмилә Вәлидова апайға һәм дә байрамды әҙерләп үткәреүселәргә ҙур рәхмәт әйтәһе килә!
Алһыу АҠСУРИНА
Ялсыҡай ауылы
Фото интернеттан алынды
Читайте нас: