ҘУР ОҪТАЛЫҠ МЕНӘН УЙНАНЫЛАР

Уҡыусылар ҙур ихласлыҡ менән «Серле йоҙаҡ» исемле тамаша ҡуйҙылар. Тамашанан һуң концерт номерҙары ҡуйылды, бигерәк тә тамашасыларға Яңы йыл флешмобы оҡшаны. Иртәлекте оҫта итеп 3-сө класс уҡыусылары – Азалия Аҡһарова менән Рәлиә Яманһарова алып барҙы. Ҡарһылыу ролен үҙебеҙҙең сығарылыш уҡыусыбыҙ – Регина Әхмәтйәнова башҡарҙы, эт ролен Данис Боҫҡанов – 3-сө класс уҡыусыһы, Яңы йыл ролен 1-се класс уҡыусыһы Ғайсар Боҫҡанов, ә Ҡыш бабай ролен әүҙем әсәйҙәребеҙҙең береһе Зильда Ибраһимова (әйтергә кәрәк, беренсе тапҡыр ғына түгел) ҙур оҫталыҡ менән уйнанылар.

Байрамды ойошторорға ярҙам иткән ата-әсәләр кометиты ағзаларына һәм балаларына матур костюмдар әҙерләгән ата-әсәләргә ҙур рәхмәттәребеҙҙе еткерәбеҙ.