КҮҢЕЛ ИХЛАСЛЫҒЫ ҺАЛЫНҒАН ИРТӘЛЕК

Яҡуп ауылында ошо көндәрҙә «Айгөл» балалар баҡсаһында 8 Март байрамына арналған «Әсәйем – Әсәкәйем» тигән иртәлек үтте.

Яҡуп ауылында ошо көндәрҙә «Айгөл» балалар баҡсаһында 8 Март байрамына арналған «Әсәйем – Әсәкәйем» тигән иртәлек үтте.

Әсәйҙәргә, өләсәйҙәргә бағышланған һөйөү тулы шиғырҙар, матур мәҡәлдәр, йырҙар яңғыраны, дәртле бейеүҙәр: «Джельтмендар», «ВДВ», «Сәскәләр менән бейеү» ҡуйылды балалар баҡсаһында.

Кескәйҙәребеҙ өсөн ҡыуанып, шатланып ултырҙыҡ. «Кем тиҙерәк әсәйен, өләсәйен матурлай?», «Кем тиҙерәк керен элә?» тигән уйындар уйнап алдыҡ. Балалар нисек әсәйҙәренә ярҙам итеүҙәре: кем һауыт-һаба йыуышыуы, кем иҙән һепереүе хаҡында һөйләне, ә Илдан ғорур рәүештә: «Мин һылыуымды ҡарашам», – тине.

Шундай матур иртәлек әҙерләгәндәре өсөн өлкән тәрбиәсебеҙ Альмира Әхтәм ҡыҙы Рыҫҡоловаға, тәрбиәсе Әлфиә Нурис ҡыҙы Кинйәкәеваға «Юшатыр» гәзите аша оло рәхмәттәребеҙҙе еткерәбеҙ. Балалар әсәйҙәрен һөйөндөрөп матур бүләк – үҙ ҡулдары менән эшләгән сәскәле кәрзиндәрен тапшырҙы.

Атай-әсәйҙәр исеменән

Филүзә СӨЛӘЙМӘНОВА

Яҡуп ауылы

Читайте нас:

Свидетельство о регистрации СМИ: ПИ ФС 02 - 01456 от 14.09.2015 г. выдано Управлением федеральной службы по надзору в сфере связи, информационных технологий и массовых коммуникаций по Республике Башкортостан Государственное унитарное предприятие Республики Башкортостан Издательский дом «Республика Башкортостан»

Баш мөхәррир М.М.Ильясов

Эл. почта

[email protected]

Адрес

Республика Башкортостан, г. Кумертау, ул. Комсомольская, д. 35

Редакция

8 (34761) 4-44-45