«Йәшәй белгәндәр»

- Нимәгә тотаһың?

- Кукурузға. Ә һин?

- Борсаҡҡа.

Беҙ-  балыҡты ашап ҡына белгән кешеләр – быларға ҡыҙығып ҡарап торабыҙ, йәшәй белә лә ҡайһы берҙәр. «Йәшәй белгәндәр» араһында күңелгә ныҡ таныш кешеләрҙе осратыу ҙа кәйефте күтәрҙе. Гүзәл Бикмөхәмәтова һәм Илмира Ишбирҙина. Бер үҙҙәре түгел, хәләл ефеттәре менән.

- Гел шулай бергә йөрөһөгөҙмө, йыбанмай?

Илмира Юлай ҡыҙы ла, Гүзәл Сынтимер ҡыҙы ла сараһына күрә килешле итеп кейенеп алған, ҡапыл ҡараһаң, танып та булмаҫ, хакимиәттәге эш кәстүме түгел – кеше ял итә.

- Ирҙәребеҙ менән гел бергә сығабыҙ, йөрөмәгән ер-һыу ҡалманы инде.

Парҙар «бына беҙ ниндәй» тигән шикелле һыйынышып балыҡ тотоуын дауам итте, был күренештән кәйеф тағы ла нығыра күтәрелде – бәхетлене күреү үҙеңде лә бәхетле яһай.

Балыҡсыларҙан иң йәшенә 7 йәш, иң олоһо һикһәнде ҡыуа.

- Башлыҡ былтыр үҙе килгәйне, быйыл булырмы икән? – ойоштороусылар алан-йолан ҡаранды, - Данил Зиннәт улы аҙағына ғына киләм тине.

Тулы материал киләһе һанда гәзиттә сыға.