+22 °С
Ямғыр
Йәмғиәт
2 Февраль 2022, 04:48
Хөрәфәт
Башҡортостанда бөгөн өйләнешеүҙәр һаны күп тип шапырындыҡ та, беҙҙә - Күмертауҙа ла, Көйөргәҙелә лә никахлашҡан береһе лә юҡ. 22.02.2022 датаһына ғаризалар бар тинеләр. Районда берәү, Күмертауҙа - 9.
Хөрәфәт
Берәү әйтеп ысҡындырҙы:
- Теләһә нәмәгә, хөрәфәткә ышанып йөрөмәгеҙ әле, беҙҙең таныштар, бер-береһе өсөн өҙөлөп торған ғашиҡтар кеүек инеләр, бер-береһенең ауыҙына инеп баралар ине, 8.08.08 көнөн тап итеп ҡауышҡайнылар, ике йыл да йәшәмәй, талашып-һуғышып, икеһе ике яҡҡа китеп барҙы.
Ниндәй көндә ҡауышһа-никахлашһалар ҙа (бәғзеләре быйыл кәбисә йылы тип, өйләнмәй, һуҙа торған, уңарсы хистәр ҙә һыуына башлауы ихтимал), йәштәрҙең мөхәббәте ғүмерлек булһын ине. Һөйөү булмаһа бер ниндәй хөрәфәт тә уларҙы ҡотҡара алмаҫ.
