+21 °С
Болотло
Йәмғиәт
11 Август 2022, 07:56
Мине лә ҡыуандырҙығыҙ
Башҡортостан Йәмәғәт палатаһы тәҡдиме менән дүшәмбе көнө генә Ермолаеволағы йорттар янында урынлашҡан балалар майҙансыҡтарын тикшерҙек.
Мине лә ҡыуандырҙығыҙ
Балалар уйнар майҙансыҡтарҙың иң төп бәләһе - унда ҡом юҡлығы ине. Был турала шул уҡ көндө район хакимиәтенә кереп, Юлай Ильясовҡа әйттем. Әйттем дә көтәм, әллә була, әллә юҡ - сифатлы ҡом табыуы ла бәлә хәҙер. Өс көн үттеме-юҡмы, балалар майҙансыҡтарына матур, таҙа ҡом алып килеп тә бушатҡандар! Ҡыуанысымдың сиге булманы, әйтерһең, хәҙер үҙем, шунда барып ултырып, уйнай башлайым.
Минең һорауға, балаларға битараф булмағандары өсөн район башлығына, уның урынбаҫары Урал Ибраһимовҡа ҙур рәхмәтемде һеҙҙең аша еткерәм. Сабыйҙарҙы ла, мине лә ҡыуандырғанығыҙ өсөн рәхмәт һеҙгә, Юлай Талха улы, Урал Дамир улы.
Эльза Васильева, Көйөргәҙе районы Йәмәғәт палатаһы рәйесе.
