Еңеү беҙҙә була!

Ҡулдан нимә килә, барыһы ла эшләнде - әллә нисә мәҙәни-спорт саралары үткәрелде, кешенең күҙенә күренгән-күренмәгән башҡа эштәр эшләнде. Кисә, ана, автоуҙыш булды. Уҡтан аттыҡ, арҡан тарттыҡ, һарыҡ салдыҡ, бәйләмдәр бәйләнек... Эш хәҙер ары китте, әле генә Өфөлә "Айыҡ ауыл" документтарын тапшырҙылар, гүйә, Кинйә-Абыҙҙың яҙмышын тапшырҙылар - геройҙар ауылы, беҙҙә һәйбәт халыҡ йәшәй, егеттәр-ҡыҙҙар, барыһын иҫәпкә алығыҙ. 

Хәйерле көндә, хәйерле сәғәттә, көйөргәҙеләр. Еңеү, Аллаһ бирһә, беҙҙә була!