Олоғая төшкәс, көндәлек тормош онотолоп тора, үткән ғүмереңде уйлап, һағынып иҫкә алаһың. Клара Аҙнабаева апай менән тәү тапҡыр Яҡшымбәт фельдшер-акушер пунктында осраштым. Ул ваҡытта Клара апай ун йыл родхатала акушерка булып эшләй ине. Ул - урта буйлы, аҡ йөҙлө Учалы районы ҡыҙы. Вәли абзый менән өс балаға ғүмер биреп, оло юлға баҫтырҙылар. Хаҡлы ялға сыҡҡандан һуң да ал-ял белмәй эшендә тоғро ҡалып эшләне. Өлкән ҡыҙы Ғәлиә кейәүе менән дүрт бала, улы Раят килене менән өс бала үҫтерҙеләр, тырышып донъя көтәләр. Ә Клара апай ошо көндә кесе ҡыҙы Вәсиләлә Өфө ҡалаһында йәшәй, һаман да балаларға ярҙам итә: ейәнен мәктәпкә оҙата, ҡаршы ала.
Бөгөн, 1 февралдә, Клара апайға 80 йәш тула. Беҙ, коллегаларың, һине ысын күңелдән ҡотлайбыҙ. Һиңә алдағы көндәреңдә ныҡлы һаулыҡ, бәхетле ғүмер теләп ҡалабыҙ.