Берҙәмлектә - көс

"Башҡортостан гәзите" ойошторған, интенет селтәрендәге бәйләнештәр төркөмөндә, атайҙар көнөнә арналған, "Атайҙарға - дан!" конкурсы бер аҙнаға яҡын барҙы. Ошо бәйгелә мин дә көс һынаштым һәм икенсе урынды яуланым. Был еңеү минеке генә түгел, ә районымдың да еңеүе. Берҙәмлектә - көс тиҙәр, ысынлап та, шулай икән. Мине еңеүгә этәреп, минең өсөн тауыш биреүҙә әүҙем булған "Юшатыр", "Көйөргәҙе" гәзиттәренә, дуҫтарыма, бергә эшләгән коллегаларыма, туғандарыма, районыбыҙға, интернет селтәрендәге таныштарыма күңелемдән сыҡҡан иң изге, ихлас рәхмәт һүҙҙәремде еткерәм. Киләсәктә лә әүҙем булайыҡ, берҙәм йәшәйек.
Раил АРАПТАНОВ, Яңы Таймаҫ ауылы