Редакцияла тын алырлыҡ түгел, ныҡ тынсыу, эҫе. Торғаны менән мунса. Әмәлгә ҡалғандай, Мораптал яҡтарынан миндек ҡайтып етте - икәү хатта (кемдер сабынғанда ике ҡулына икәүҙе тотоп сабынырға ярата, әйткәндәй). Саҡ ҡына ҡалды, сабына башлай яҙҙыҡ, ҡысыған ерҙәрҙе бешергәндә килешер ине, эш мәле, был рәхәт ғәмәлде һуңыраҡҡа ҡалдырҙыҡ - эш бөткәс, сабынырға ярай. Рәхмәт, морапталдар, миндек өсөн дә, һыйлаған һыйҙарығыҙ өсөн дә, байрамығыҙ өсөн дә.