+21 °С
Болотло
Йөрәктән сыҡҡан һүҙҙәр
15 Ноябрь 2022, 04:50
Йәшә шатлыҡтарға күмелеп
Яҡшымбәт ауылында тыуып үҫеп, бөгөнгө көндә Өфө ҡалаһында ғаиләһе менән матур донъя ҡороп, бәхетле ғүмер итеүсе ҡәҙерле кешебеҙ, яратҡан ҡыҙыбыҙ, апайыбыҙ Гөлфиә Юлай ҡыҙы ЯҠУПОВАны йәшлегенең матур байрамы - 30 йәшлек күркәм юбилейы менән ысын күңелдән ҡайнар ҡотлайбыҙ!
Йәшә шатлыҡтарға күмелеп
Тырыш, уңған, изге күңелле, ярҙамсыл ҡәҙерле кешебеҙгә - һаулыҡтың иң ныҡлыһын, бәхеттең - иң олоһон, ғүмерҙең иң оҙонон теләйбеҙ. Киләсәк көндәрең өмөт менән тулы булһын, ғүмер йомғағың шатлыҡ-һөйөнөстәргә генә тулып тәгәрәһен. Һиңә ныҡлы сәләмәтлек, күңел тыныслығы, ҡайғы-хәсрәтһеҙ көндәр, аҡ бәхеттәр, беҙҙең күңел йылыһын тойоп, тормош иптәшең Юнир менән ҡыҙығыҙ Камиланың уңыштарына ҡыуанып, бәхетле оҙон ғүмер кисереүеңде теләйбеҙ. Киләсәгең йыр кеүек матур, ҡояш кеүек яҡты, тыуасаҡ таңдарың нурлы, күк йөҙөң һәр ваҡыт аяҙ булһын.
Юбилейың менән тәбрикләйбеҙ,
Сәләмәтлек теләп иң элек.
Һәр саҡ көнөң үтһен бәхет менән,
Йәшә шатлыҡтарға күмелеп.
Иң изге теләктәр менән әнейең Зимфира, әтейең Юлай, һылыуың Гөлфирә, кейәүең Рөстәм.
