Балҡып торһон йөҙкәйең

Һине күңел көрлөгө һис ҡасан ташламаһын, һаулығың ныҡлы булһын, һәр тыуар көн бәхетле хәтирәләр, яҡты уйҙар бүләк итһен. Иң мөһиме – сәләмәт бул, донъя мәшәҡәттәре өсөн көймә. Хоҙай һине күңел тыныслығынан айырмаһын, йөрәгең һәр ваҡыт шатлыҡ менән тулы булһын. Киләсәктә лә яҡындарыңдың ҡәҙер-хөрмәтен тойоп, аҡыллы кәңәштәрең менән барыбыҙға ла терәк булып, именлектә, бәхетле оҙон ғүмер кисерергә яҙһын.
Иртәләрең ҡояшлы, килер көндәрең – көләс, уйҙарың – яҡты, күңелең – тыныс булһын.
Хоҙай һиңә сәләмәтлек бирһен,
Беҙҙән һиңә яҡты теләктәр.
Балҡып торған йөҙкәйеңде күреп,
Ҡыуанһындар беҙҙең йөрәктәр!

Иң изге теләктәр менән Сынбулатовтар, Тәзетдиновтар ғаиләләре һәм уларҙың балалары.