Шатлыҡ менән килһен йылдарың

Аҡһары ауылы
Бөгөн беҙҙең Аҡһары ауылының «Аҡсәскә» балалар баҡсаһы тәрбиәсеһе Зилә Ансар ҡыҙы ҠОЛМӨХӘМӘТОВА үҙенең 55 йәшлек юбилейын билдәләй.
Изге йөрәкле, үҙ эшенең оҫтаһы булған тәрбиәсе апа, ғаиләһендә хәстәрлекле әсәй, һөйөклө ҡатын, хөрмәтле ҡәйнә, яратҡан өләсәй ҙә ул. Бәләкәй генә сабыйҙарҙы ҡарап, бер нисә быуын үҫтереп, бихисап маҡтау ҡағыҙҙарына лайыҡ булған, абруйлы тәрбиәсе лә ул. Юбилярыбыҙға ныҡлы һаулыҡ, бәхет, бөтмәҫ-төкәнмәҫ көс, ғаилә именлеге, эшендә уңыштар теләйбеҙ.
Йылдар үтә торһон, һыуҙар аҡһын,
Шатлыҡ менән килһен яңыһы.
Беҙ теләйбеҙ алда ғүмерҙәрҙең
Бәрәкәтле, яҡты, нурлыһын!
Иң изге теләктәр менән «Аҡсәскә» балалар баҡсаһы, Аҡһары мәктәбе коллективтары.