Сөпөрләп булһа ла йәшәп була

- Ауылда ысынлап та һыу менән саҡ ҡына бәлә, башняла таймер тора, башняны гел тултырып тора алмайбыҙ, ферма янында торба тишек, юҡһа, күп ағып, Дуҫлыҡ урамын һыу баҫасаҡ. Ныҡ һыуыҡтарҙа уны ремонтлай алманыҡ, бына хәҙер тотонорбоҙ.

Илшат Рахмаевҡа шылтыратһаҡ, ул Холодный Ключта йөрөй икән.

- Унда оҙаҡ булаһығыҙмы?

- Оҙаҡ булам.

Киттек. Барһаҡ, урамда эттәр генә уйнашып йөрөй. Дөрөҫ, торараҡ бер кеше осраны.

- Һыу беҙҙә барсы. Әле бына сөпөрләп кенә аға. Иртән була, кис була. Ваҡыты менән булмай инде - түҙерлек.

Башлыҡты- Илшат Миҙхәт улын - тап итә алманыҡ, әллә берәйһенә сәй эсергә кереп юғалды, ниңәлер, шылтыратып бимазалағы килмәне. Урамда торған һыу колонкаһын (ҡарәле, быларҙа колонка һаман бар) ҡараныҡ - һыу аға. Ҡыш үтер, йәй етер,иң мөһиме, бына шул ввҡытта һыу булһын, Холодный Ключ (исеме лә бит әле - Шишмә - һыу сығанағы), сүллектә ҡалмаһын ине. Ә әлегә, сөпөрләп булһа ла, йәшәп була.