Яңы юл – шəп нəмə, бигерəк тə асфальт булһа, шулай ҙа уның да күңелде боҙған ерҙəре бар. Ермолаевоның үҙəк урамына ремонт яһанылар, инде генə бөттөлəр тиһəк, шунда уҡ ғауға башланды – дөрөҫ һалмағандар, юлдың ситтəреү текə... («Юшатыр» был турала элегерəк яҙғайны). Ҡарыша торғас, подрядсыны елтерəтеп килтерəлəр, ҡарайҙар, тикшерəлəр – юл ысынлап та яҡшы түгел, сифаты бик насар. Подрядсы ла килешə был һығымта менəн. Төҙəт тиҙəр, тегеһе ярар ти. Һəм... юғала. Əле Сəлихов фамилиялы эшҡыуарҙы эҙлəйҙəр, ул, һыуға батҡандай, юҡ. Торараҡ юғалған юлсы, бəлки, табылыр һəм беҙ район үҙəгендəге сифатлы юлдан тəгəрəп кенə барырбыҙ.