Яҡшыраҡ беләләр

Байтаҡ кеше юрған аҫтынан торорға йыбана, ә улар ҡала паркында. Пенсионерҙар. Тренажерҙарҙың береһе лә буш тормай, кемеһе ҡул, кемеһе аяҡ быуындарына, кемеһелер башҡа еренә күнекмә яһай. Бәлки, берәйһенең иғтибар иткәне барҙыр: беҙҙең оло кешеләр башҡа яҡтарҙың ололарынан айырыла - етеҙҙәр, һығылмалылар, биттәрендәге йыйырсыҡтары ла күп түгел. Тәрбиәләре яҡшы, улар үҙҙәрен үҙҙәре - тәнен дә, күңелдәрен дә - тәрбиәләй, һаулыҡ - ҙур байлыҡ икәнен оло кеше бүтәндәргә ҡарағанда яҡшыраҡ белә.