ЛӘЙСӘНГӘ ЫШАНАБЫҘ

Көйөргәҙе районы уҡыусылары йылдың-йылы республика кимәлендәге төрлө конкурстарҙа ҡатнашып, урындар яулай. Бына тағы бер шатлыҡлы хәбәр: Баязит Бикбай исемендәге Яңы Мораптал мәктәбенең 10-сы класс уҡыусыһы Ләйсән Сәйфуллина (етәксеһе Ғәлиә Сынбулатова) «Йәш журналист» республика конкурсында ҡатнашып, «Туған телгә һөйөү» номинацияһы дипломына эйә булды.

Ләйсән фәнни-ғәмәли конференцияларҙа даими ҡатнаша. «Уның иң тәүге ғилми тикшеренеү эше «Башҡорт телен сүпләүсе һүҙҙәр» тип атала ине. Доклад ул саҡта юғары баһа алды. Ләйсән шунан бирле зона, республика кимәлендәге фәнии-ғәмәли конференцияларҙа ҡатнашып урындар, номинцациялар алып килә, мәктәбебеҙҙең данын күтәрә. Киләсәктә ул фән юлын һайлар, тип ышанабыҙ», - ти Ғәлиә Наил ҡыҙы.