Көйөргәҙе данын яҡланы

Яҡташыбыҙ, илебеҙҙең баш ҡалаһындағы РУДН юғары уҡыу йортонда уҡып йөрөүсе Сәлимә Әхмәрова «Мәскәү һылыуҡайы - 2019» конкурсында уңышлы ҡатнашып, «Мисс Грация» титулына лайыҡ булды. Көйөргәҙе районы данын яҡлаған ҡыҙыбыҙға ҡосаҡ тултырып бүләген дә, сәскәһен дә биргәндәр. Сәлимә үҙе әйтмешләй, был конкурс уның өсөн ҙур һынау булған, тап бына Мәскәүҙең үҙендә тәжрибә туплаған. Шуға күрә Ҡансыра ауылы ҡыҙы алда буласаҡ барлыҡ һынауҙарҙы ла еңеп сығыр, тип ышанабыҙ.