Беләктәре көслө, йөрәктәре дәртле

Юҡ, бындағы студенттар төрлө яҡлап үҫешә, әлбиттә, спорт тураһында ла онотмайҙар. Колледж ятағында ауыл малай-ҡыҙҙары йәшәй, шулай булғас, билдәле: көс-ҡеүәт уларҙа ташып тора - эште бәләкәйҙәр күреп үҫкән балалар.

Яңыраҡ ерҙән күтәрелеү (отжимание) буйынса ярыш ойошторғандар. Араларынан таҙараҡ 11 егетте һайлағандар. Көсөргәнешле ярышта 3 егет алға сыҡҡан. Өсөһө лә баһадир, өсөһө лә бәһелеүән. Лидер - Аҙналин Азат, башҡаларҙы әллә күпмегә артта ҡалдырып киткән, колледждың рекордын ҡуйған -  71 тапҡыр күтәрелә алған. Уның артынан Сафонов Александр (51) һәм Фәттәхов Вадим (50) призлы урынды яулаған. 

Тау колледжы батырҙарына бүләк биргәндәр. 

- Азат, һин ҡайҙан әле?

- Яманһарынан.

- Улай булғас, аңлашылды. Яманһары егеттәре борондан шулай батырҙар, беләктәре көслө, йөрәктәре дәртле.